„ქალთა მოძრაობის“ ხელმძღვანელის, ბაია პატარაიას განცხადებით, ლგბტ თემი არის ის ჯგუფი, რომელსაც მუდმივად ერღვევა შეკრების თავისუფლების უფლება.

როგორც პატარაიამ „ექსპრესნიუსს“ განუცხადა, კარგია, რომ დღეს შეძლეს ამ ადამიანებმა აქციის გამართვა, თუმცა, მისივე შეფასებით, ეს არ არის უფლების სრულფასოვანი განხორციელება, რადგან რიგით მოქალაქეებს არ შეუძლიათ აქციაში მონაწილეობის მიღება.

ამასთან, ბაია პატარაია ფიქრობს, რომ უსაფრთხოების ზომები ცოტა გადამეტებულია.

მისი თქმით, ქართულმა საზოგადოებამ 2013 წლის შემდეგ გაკვეთილი ისწავლა და დღეს უფრო მშვიდობიანად თანაარსებობენ ჯგუფები ერთმანეთთან.

„ძალიან მკაცრია უსაფრთხოების ზომები, ცოტა გადამეტებულიც. 2013 წლის შემდეგ, ქართველმა საზოგადოებამ ისწავლა გაკვეთილი და უფრო მშვიდობიანად თანაარსებობენ ჯგუფები ერთმანეთთან. ეს პროგრესი უნდა გაიზარდოს, მაგრამ რა თქმა უნდა სახელმწიფო უნდა იყოს მოწოდების სიმაღლეზე. სამწუხაროდ სრულფასოვანი შეკრების უფლება არ გვაქვს. იმედს ვიტოვებ, რომ მომავალში შესაძლებელი იქნება თავისუფლად, საჯაროდ, ასეთი ტიპის აქციების გამართვა. ის, რომ შსს-ს გვისაზღვრავ სად როდის რანაირად და რამდენმა ადამიანმა ჩავატაროთ აქცია, ბუნებრივია ეს არ არის უფლების სრულფასოვანი განხორციელება“, - განაცხადა ბაია პატარაიამ.

ცნობისთვის, მთავრობის ადმინისტრაციასთან ჰომოფობიასთან და ტრანსფობიასთან ბრძოლის დღესთან დაკავშირებით, აქცია მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთის საგარეო საქმეთა სამინისტრომ საქართველოს ხელისუფლებას რუსოფობიის თავიდან აცილებისკენ მოუწოდა

რუსეთი საქართველოსა და მოლდოვას ოკუპირებული რეგიონებისთვის მოქალაქეობის მინიჭების საფასურს ცხრაჯერ შეამცირებს

ზახაროვა: დიპლომატიური ურთიერთობების აღდგენის ინიციატივა საქართველოდან უნდა მოდიოდეს

ყოფილმა პრემიერმა ციხიდან გავრცელებულ წერილში ხელისუფლება შანტაჟში დაადაშაულა