2017-05-14 13:48:24, 2395 ნახვა
მსოფლიო
რომის პაპი დონალდ ტრამპთან შეხვედრისთვის ემზადება
რომის პაპი ფრანცისკე აშშ-ის პრეზიდენტთან დონალდ ტრამპთან შეხვედრისთვის ემზადება.
მედიის წარმომადგენლებმა პაპს ტრამპის პოლიტიკის შეფასება სთხოვეს.
პონტიფიკოსმა კი პასუხისგან თავი შეიკავა და აღნიშნა, რომ შეფასებამდე ვალდებულია მას პირადად შეხვდეს და განსხვავებული ხედვების შესახებ განმარტება მოისმინოს.
პაპმა ფრანცისკემ აღნიშნა, რომ შეერთებული შტატების პრეზიდენტთან შეხვედრას მოუთმენლად ელოდება და პირობა დადო, რომ მასთან საუბრისას მაქსიმალურად გულახდილი და პირდაპირი იქნება, მით უმეტეს, როდესაც საუბარი ეკოლოგიის პრობლემებსა და მიგრაციას შეეხება.
შეგახსენებთ, რომ დონალდ ტრამპისა და პაპი ფრანცისკეს აუდიენცია ვატიკანში 24 მაისს გაიმართება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
