საქართველოს პარლამენტის თავმჯდომარის, ირაკლი კობახიძის განცხადებით, მიუხედავად იმისა, რომ 2013 წელს საპრეზიდენტო არჩევნები პირდაპირი წესით ჩატარდა, მოქმედი პრეზიდენტი ზეპარტიული არ არის.

ამის შესახებ კობახიძემ მცხეთაში, კონსტიტუციის პროექტის საყოველთაო სახალხო განხილვაზე სიტყვით გამოსვლისას განაცხადა.

„პირდაპირი არჩევნების მიუხედავად, მოქმედი პრეზიდენტი არ არის ზეპარტიული პრეზიდენტი. ანუ პირდაპირი არჩევნები არ ყოფილა იმის გარანტია, რომ პრეზიდენტი იყოს ზეპარტიული, ეს აჩვენა ჩვენმა რეალობამ“, - განაცხადა კობახიძემ.

„ევროპული საქართველოს“ წევრის, სერგი კაპანაძის კითხვას - „რომელი პარტიის წევრია გიორგი მარგველაშვილი“, კობახიძემ ასე უპასუხა:

„პარტიის წევრი არ არის, თუმცა პირდაპირ ვიცით რა ალიანსშია მოქმედი პრეზიდენტი და ვისთან ერთად გეგმავს გარკვეულ დესტრუქციულ ქმედებებს. ეს არის ოპოზიციური სპექტრი, დაწყებული „ნაციონალური მოძრაობიდან“ დამთავრებული „პატრიოტთა ალიანსით“. ის არის პირდაპირ ალიანსში ამ პოლიტიკურ პარტიებთან და ყოველდღიურ რეჟიმში წარიმართება ეს კონსულტაციები“, - განაცხადა ირაკლი კობახიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთის საგარეო საქმეთა სამინისტრომ საქართველოს ხელისუფლებას რუსოფობიის თავიდან აცილებისკენ მოუწოდა

რუსეთი საქართველოსა და მოლდოვას ოკუპირებული რეგიონებისთვის მოქალაქეობის მინიჭების საფასურს ცხრაჯერ შეამცირებს

ზახაროვა: დიპლომატიური ურთიერთობების აღდგენის ინიციატივა საქართველოდან უნდა მოდიოდეს

ყოფილმა პრემიერმა ციხიდან გავრცელებულ წერილში ხელისუფლება შანტაჟში დაადაშაულა