ერგნეთში ინციდენტების პრევენციისა და მათზე რეაგირების მექანიზმის შეხვედრაზე ოკუპირებული ცხინვალის დე-ფაქტო ხელისუფლების წარმომადგენლმა დავით სანაკოევმა განაცხადა, რომ  ცხინვალის მხარე ზნაურის რაიონში ე.წ. სახელმწიფო საზღვარზე საინჟინრო ნაგებობის აღმართვას აპირებს, - ამის შესახებ ინფორმაციას Cominf.org ავრცელებს.

როგორც სანაკოევმა აღნიშნა, ე.წ. საზღვარზე 11 ადამიანი დააკავეს, მათ შორის საქართველოს 2, აზერბაიჯანის 3 და სამხრეთ ოსეთის 6 მოქალაქე.

"ჩვენ უკვე, მივაწოდეთ ინფორმაცია იმის თაობაზე, რომ ვაპირებთ აღვმართოთ საინჟინრო ნაგებობა ზნაურის რაიონის სოფელ არანგარონთან (მანამდე იონჩა). გასულ წელს ადგილობრივ მცხოვრებს მსხილფეხა საქონელი დაეკარგა, რომლის პოვნაც ვერ მოხერხდა. მანამდე სოფლიდან სხვა ქონებაც იკარგებოდა, ამიტომ სოფლის მცხოვრებლებმა ხელისუფლებას მიმართეს, რომ იქ შეიქმნას უსაფრთხოების აუცილებელი ზომები", - განაცხადა მან.

გარდა ამისა, სანაკოევმა აღნიშნა, რომ ქართული მედია დეზინფორმაციას ავრცელებს, როდესაც ე.წ. საზღვარზე მოქალაქეების დაკავებას აშუქებს.

"ქართული მედია საშუალებები, აცხადებენ, რომ მოქალაქეებს თითქოს იტაცებემ, იყენებენ ისეთ ტერმინოლოგიას, როგორიცაა ოკუპანტი, რაც რა თქმა უნდა სიმართლეს არ შეესაბამება", - აღნიშნა სანაკოევმა.

მისივე ინფორმაციით, ერგნეთში ინციდენტების პრევენციისა და მათზე რეაგირების მექანიზმის მორიგი შეხვედრა 7 ივნისს გაიმართება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„დეფიციტის ახალი ტალღა“: რუსეთში ბენზინგასამართი სადგურების 70%-ზე მეტს ბენზინი ამოეწურა

„ყველა, ვისაც შეუძლია, ცდილობს თავისი ფულის გატანოს“ - რუსი მილიარდერები კაპიტალის გადარჩენას ცდილობენ

ღარიბაშვილი: წერილი გამომიგზავნა მამუკა მდინარაძემ

ირაკლი ღარიბაშვილი საპატიმროდან დაპირებულ წერილს ავრცელებს