2017-05-11 18:41:44, 2224 ნახვა

---

კობახიძე: თუ საუბარია სუბიექტურ ინტერესებზე, გაისად პირდაპირი წესით საპრეზიდენტო არჩევნების ჩატარება ჩვენს ინტერესშია

„თუ საუბარია სუბიექტურ ინტერესებზე, სუბიექტურად, მხოლოდ ჩვენს ინტერესებშია გაისად პირდაპირი წესით საპრეზიდენტო არჩევნების ჩატარება“, - ამის შესახებ საქართველოს პარლამენტის თავმჯდომარე ირაკლი კობახიძემ ჟურნალისტების კითხვის პასუხად განაცხადა.

მისივე თქმით, ეს საკითხი, საბოლოო ჯამში, პარლამენტის გადასაწყვეტია, სადაც შესაბამისი პოლიტიკური გადაწყვეტილებები მიიღება.

„ეს, საბოლოო ჯამში, არის პარლამენტის გადასაწყვეტი - იქ მიიღება შესაბამისი პოლიტიკური გადაწყვეტილებები, მათ შორის, ვადებთან დაკავშირებით. რაც შეეხება ჩვენს დამოკიდებულებას - სუბიექტური თვალსაზრისით, ჩვენთვის არის ყველაზე მეტად მომგებიანი მომავალ წელს საპრეზიდენტო არჩევნების ჩატარება. აბსოლუტურად ყველამ იცის, ვინ გაიმარჯვებს მომავალი წლის საპრეზიდენტო არჩევნებში - ეს იქნებოდა ჩვენი გამარჯვება და ასეთ შემთხვევაში, დამატებით გავაძლიერებდით ჩვენს პოლიტიკურ ინტერესებს. თუ საუბარია სუბიექტურ ინტერესებზე, სუბიექტურად, მხოლოდ ჩვენს ინტერესებშია გაისად პირდაპირი წესით საპრეზიდენტო არჩევნების ჩატარება. დანარჩენი უკვე პარლამენტის გადასაწყვეტია“, - განაცხადა საქართველოს პარლამენტის თავმჯდომარემ.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი