ბორჯომის  გამგებელს, დიმიტრი ყიფიანს, პოლიციელ ბექა მარგიშვილის მკვლელობაში ეჭვმიტანილის, შალვა აბულაძის, დაკავების შესახებ დადასტურებული ინფორმაცია არ აქვს.

როგორც ყიფიანმა "ექსპრესნიუსს" განუცხადა, ჭორის დონეზე ვრცელდება ინფორმაცია, რომ შალვა აბულაძე ბორჯომში დააკავეს, თუმცა, პირადად მისთვის, ამის შესახებ არავის უცნობებია.

"საუბრობენ, რომ შალვა აბულაძე დააკავესო, თუმცა მე ინფორმაცია ამის შესახებ არ მაქვს.ჭორების დონეზე ამბობენ. ხაშურშიც ვრცელდება ინფორმაცია, რომ დაუჭერიათო, მაგრამ მე ვერ ვადასტურებ. არანაირი წვდომა ძალოვან სტრუქტურებთან არ მაქვს",- განუცხადა დიმიტრი ყიფიანმა "ექსპრესნიუსს".

შეგახსენებთ, ვრცელდება ინფრომაცია, რომ შალვა აბულაძე ბორჯომში ერთ-ერთ მიტოვებულ სახლში დააკავეს. "ექსპრესნიუსი" ინფორმაციის გადამოწმებას ამ დრომდე ცდილობს, თუმცა მთავარ პროკურატურაში და შინაგან საქმეთა სამინისტროში ამ თემაზე კომენტარს არ აკეთებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„დეფიციტის ახალი ტალღა“: რუსეთში ბენზინგასამართი სადგურების 70%-ზე მეტს ბენზინი ამოეწურა

„ყველა, ვისაც შეუძლია, ცდილობს თავისი ფულის გატანოს“ - რუსი მილიარდერები კაპიტალის გადარჩენას ცდილობენ

ღარიბაშვილი: წერილი გამომიგზავნა მამუკა მდინარაძემ

ირაკლი ღარიბაშვილი საპატიმროდან დაპირებულ წერილს ავრცელებს