France Press: საფრანგეთის პრემიერ-მინისტრის სახლი გაქურდეს

2017-04-27 20:34:30, 2896 ნახვა

მსოფლიო

საფრანგეთის პრემიერ-მინისტრის, ბერნარ კაზნიოვის სახლი დაუდგენელმა პირებმა გაქურდეს, - ამის შესახებ France Press იუწყება.

მედია საშუალების ინფორმაციით, ძარცვა, სავარაუდოდ 24 აპრილს, საპრეზიდენტო არჩევნების პირველი ტურის მეორე დღეს მოხდა.

აღსანიშნავია, რომ ძარცვის შესახებ ინფომრაცია სააგენტოს ჟურნალისტებს ბერნარ კაზნევის თანაშემწეებმა მხოლოდ დღეს დაუდასტურეს.

როგორც პრემიერის თანაშემწეები აცხადებენ, ბერნარ კაზნევის ბინაში რაიმე სახის სამსახურებრივი დოკუმენტაცია არ ინახებოდა და მძარცველებმა მხოლოდ პირადი მოხმარების ნივთების წაღება მოახერხეს.

მედიის ცნობით, ბინის ქურდებმა, დიდი ალბათობით, არ იცოდნენ, თუ ვის სახლს ძარცვავდნენ, რადგან ფრანგული კანონმდებლობით, პრემიერ-მინისტრისა და მინისტრების სახლების წინ დაცვა ან პოლიციის პოსტები არ დგას.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან