კვაჭანტირაძე: წელიწადნახევრის წინ, აგრამუნტით შეშფოთებული ვიყავი, თუმცა მაშინ უსამართლო კრიტიკა დავიმსახურე

2017-04-25 12:53:56, 2152 ნახვა

პოლიტიკა კომენტარი

„წელიწადნახევრის წინ ვიყავი შეშფოთებული ევროსაბჭოს საპარლამენტო ასამბლეის პრეზიდენტად პედრო აგრამუნტის არჩევით, თუმცა მაშინ ბევრი კრიტიკა დავიმსახურე“, - ამის შესახებ საპარლამენტო უმრავლესობის წევრმა ზვიად კვაჭანტირაძე სტრასბურგში ჟურნალისტებს განუცხადა.

„წელიწადნახევრის წინ ვიყავი შეშფოთებული პედრო აგრამუნტის არჩევით და ვიყავი ერთადერთი ადამიანი, ვინც გააპროტესტა აგრამუნტის არჩევა ასამბლეის პრეზიდენტად. მაშინ ძალიან ბევრი აბსოლუტურად უსამართლო კრიტიკა დავიმსახურე და დღეს აღომჩნდა, რომ ჩემი წელიწადნახევრის წინ გამოთქმული შეშფოთება ნამდვილად იყო საფუძვლიანი და ამ პრობლემას დღეს შეეჯახა მთელი ასამბლეა“, - განაცხადა კვაჭანტირაძემ.

შეგახსენებთ, ევროსაბჭოს საპარლამენტო ასამბლეის პრეზიდენტ პედრო აგრამუნტის, საპარლამენტო ასამბლეის წევრები რუსი დეპუტატის თანდასწრებით სირიის პრეზიდენტთან შეხვედრის გამო დაუპირისპირდნენ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან