თურქეთში ჩატარებული რეფერენდუმის პირველადი შედეგების გამოცხადების შემდეგ, სტამბოლში ასობით ადამიანი საპროტესტო აქციას მართავს. 

დაახლოებით ათასი დემონსტრანტი ქალაქის ევროპულ ნაწილში, ბეშიკტაშის რაიონში შეიკრიბა, სტამბოლის აზიურ ნაწილში კი 2 ათასი ადამიანი გამოვიდა. აქციის მონაწილეებმა 16 აპრილს, თურქეთში ჩატარებული საკონსტიტუციო რეფერენდუმის შედეგები გააპროტესტეს.

დემონსტრანტებს ხელში ეჭირათ ლოზუნგი: „ჩვენ მხარდამხარ ვიბრძოლებთ ფაშიზმის წინააღმდეგ“. ქალაქის იმ ნაწილში, სადაც მსვლელობა მიმდინარეობდა, მოსახლეობამ აქციის მონაწილეებს სოლიდარობა გამოუცხადა.

აქციები სტამბოლის გარდა, თურქეთის სხვა ქალაქებშიც გაიმართა. ანტალიაში 13 ადამიანი დააკავეს. 

შეგახსენებთ, რომ თურქეთში 16 აპრილს რეფერენდუმი ჩატარდა, რომლის თანახმადაც მოსახლეობა მმართველობის მოდელს ირჩევდა. ამ დროისთვის თურქეთში საკონსტიტუციო ცვლილებების შესახებ ჩატარებულ რეფერენდუმში მონაწილეთა ხმების 99%-ია დათვლილი. საკონსტიტუციო ცვლილებებს მხარს უჭერს 51,34 %, ხოლო წინააღმდეგია 48,66 %. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოამზადე ავტომობილი საზაფხულო მოგზაურობისთვის და გაიარე მეტი "თეგეტა მოტორსთან" ერთად

საქართველოს ბანკმა Global Finance-ის საუკეთესო ციფრული ბანკების დაჯილდოებაზე 33 ჯილდო მიიღო

დაიწყე მზადება 2026 წლის საგანმანათლებლო პროგრამებისთვის და აღმოაჩინე საქართველოს ბანკის მიერ შექმნილი შესაძლებლობები

მოსკოვის შემდეგ, სანქტ-პეტერბურგმაც დააწესა შეზღუდვები ბენზინის გაყიდვაზე