კალიფორნიის ქალაქ სან-ბერნარდინოში სკოლაში მამაკაცმა ცეცხლი გახსნა, რის შედეგადაც 3 ადამიანი დაიღუპა, მათ შორის თვითონ თავდამსხმელიც, - ამის შესახებ BBC იუწყება.

მედია საშუალების ინფორმაციით, თავდამსხმელს კლასში შესვლისას ხელში რევოლვერი ჰქონდა და მან მასწავლებელი მოკლა. სროლის დროს დაშავდა კიდევ ორი მოსწავლე. ამის შემდეგ მამაკაცმა თავი მოიკლა.

სამართალდამცველების თქმით, ერთ-ერთი დაშავებული მოსწავლე, 8 წლის ბიჭი, საავადმყოფოში მიყვანის შემდეგ გარდაიცვალა.

მათივე ინფორმაციით, ბავშვები თავდამსხმელის სამიზნი არ ყოფილან. ისინი შემთხვევით დაშავდნენ. როგორც გამოძიებამ დაადგინა, მამაკაცი მის მიერ მოკლული მასწავლებლის მეუღლე იყო.

სამართალდამცავ ორგანოებში აცხადებენ, რომ სიტუაცია ქალაქში დასტაბილურდა და მოსახლეობას საფრთხე არ ემუქრებათ.

მედიის ინფორმაციით, სროლის შემდეგ სკოლაში ევაკუაცია გამოცხადდა. უახლოესი 2 დღის განმავლობაში სკოლაში სასწავლო პროცესი შეჩერებული იქნება.

ცნობისთვის, 2015 წლის დეკემბერში სან ბერნადინოში ექსტრემისტული პროპაგანდის გავლენის ქვეშ მყოფმა ცოლ-ქმარმა საშობაო წვეულებაზე 14 ადამიანი მოკლეს, ხოლო სულ მცირე 20 ადამიანი დაშავდა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოამზადე ავტომობილი საზაფხულო მოგზაურობისთვის და გაიარე მეტი "თეგეტა მოტორსთან" ერთად

საქართველოს ბანკმა Global Finance-ის საუკეთესო ციფრული ბანკების დაჯილდოებაზე 33 ჯილდო მიიღო

დაიწყე მზადება 2026 წლის საგანმანათლებლო პროგრამებისთვის და აღმოაჩინე საქართველოს ბანკის მიერ შექმნილი შესაძლებლობები

მოსკოვის შემდეგ, სანქტ-პეტერბურგმაც დააწესა შეზღუდვები ბენზინის გაყიდვაზე