„ერთიანი ნაციონალური მოძრაობის“ დეპუტატ თინა ბოკუჩავას განცხადებით, მიუხედავად იმისა, რომ პრეზიდენტი ქვეყანაში არსებულ ყველა პრობლემას შეეხო, ის მთავრობის მიმართ საკმარისად მკაცრი არ იყო.

"ვფიქრობ, პრეზიდენტი ბევრ მნიშვნელოვან საკითხს შეეხო, როგორიცაა მედიის თავისუფლება, დამოუკიდებელი სასამართლო და ეკონომიკური მდგომარეობა. თუმცა, ვისურვებდი მისი მხრიდან არაფორმალურ მმართველობაზე გაკეთებულიყო კომენტარები, რადგან სწორედ აქედან გამომდინარეობს ყველა არსებული პრობლემა. ივანიშვილი, ქვეყნის არაფორმალური მმართველი, მთელ სახელმწფიო აპარატს საკუთარი სურვილების დასაკმაყოფილებად იყენებს, და არა ქვეყნის ეკონომიკური კრიზისიდან გამოსაყვანად. სწორედ ამიტომ, პრეზიდენტი მთავრობის მიმართ საკმარისად მკაცრი არ იყო“,-განაცხადა ბოკუჩავამ.

ცნობისთვის, საქართველოს საგაზაფხულო პლენარულ სესიაზე პრეზიდენტი გიორგი მარგველაშვილი ყოველწლიური მოხსენებით უკვე წარსდგა. ამჟამად პარლამენტში 2 საათიანი შესვენებაა გამოცხადებული, რის შემდეგადაც დებატების პროცესი დაიწყება, რომელშიც დეპუტატები და მთავრობის წევრები მიირებენ მონაწილეობას. პრეზიდენტის მოხსენებას პრემიერ-მინისტრი გიორგი კვირიკაშვილი, ვიცი-პრემიერი და ენერგეტიკის მინისტრი კახა კალაძე, განათლების მინისტრი ალექსანდრე ჯეჯელავა, ეკონომიკის მინისტრი გიორგი გახარია, ლტოლვილტა და განსახლების მინისტრი სოზარ სუბარი და შს მინისტრი გიორგი მღებრიშვილი ესწრებიან. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მთავრობამ კვების ობიექტებისთვის პლასტმასის ერთჯერადი კონტეინერებისა და ჭიქებით სურსათის მიწოდების აკრძალვის ამოქმედება გადაავადა

ანაკლიის პორტს სახელმწიფო ააშენებს - მთავრობამ პროექტის მოდელი შეცვალა

Politico: ნატოს ქვეყნები რუსეთთან ომის შემთხვევაში თავდაცვას აძლიერებენ

ირანი საზოგადოებრივი აზრის გასაკონტროლებლად ხამენეის დაკრძალვის გაშუქების ერთიან წესებს აწესებს