შს მინისტრის ყოფილ მოადგილეს თავს დაესხნენ - მიმდინარეობს გამოძიება

2017-04-03 12:25:04, 2340 ნახვა

სამართალი

დღეს თბილისის ცენტრში შინაგან საქმეთა მინისტრის ყოფილ მოადგილეს გელა ხვედელიძეს თავს დაესხნენ.

ამის შესახებ ინფორმაციას ქრონიკა პლიუსის მთავარი რედაქტორი ელისო კილაძე ავრცელებს. აღნიშნული ფაქტი "ექსპრესნიუსს" შინაგან საქმეთა სამინისტროში დაუდასტურეს.

კილაძის ინფორმაციით, გელა ხვედელიძეს ორი ნიღბიანი პირი საცხოვრებელ სახლთან დაესხა თავს, როდესაც ის მაღაზიაში პროდუქტების საყიდლად მიდიოდა.

მისივე ცნობით, შს მინისტრის ყოფილ მოადგილეს მრავლობითი დაზიანება აქვს მიღებული და სამედიცინო დაწესებულებაშია გადაყვანილი.

როგორც "ექსპრესნიუსს" შინაგან საქმეტა სამინისტროში განუცხდეს, მომხდართან დაკავშირებით აქტიური საგამოძიებო მოქმედებები მიმდინარეობს.

უწყების ინფორმაციით, გამოძიება სსკ-ის 117-ე მუხლით დაიწყო, რაც სხეულის განზრახ მძიმე დაზიანებას გულისხმობს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან