ალექსანდრე ჯეჯელავა: IRI რეალობისგან ძალიან შორს არის

2017-03-31 11:58:07, 2631 ნახვა

პოლიტიკა კომენტარი

განათლებისა და მეცნიერების მინისტრი ალექსანდრე ჯეჯელავას განცხადებით, IRI რეალობისგან შორს არის.

როგორც მთავრობის სხდომის დასრულების შემდეგ ჯეჯელავამ ჟურნალისტებს განუცხადა, „ზუსტად ორჯერ ნაკლები იყო IRI-ს საარჩევნო კვლევაში „ქართული ოცნების“ რეიტინგი, ვიდრე რეალურად აღმოჩნდა“.

"ამხელა შეცდომების მერე მაინცდამაინც მაღალ ნდობას ეს ციფრები ჩემში არ იწვევს. ვაკვირდებით და ვითვალისწინებთ ყველა კვლევის მონაცემს. ჩვენც ჩავატარებთ კვლევებს, მაგრამ ვისაც ორჯერ შეეშალა, იმათ ციფრებს რომ დავეყრდნოთ, ალბათ, არასერიოზული იქნება",- აღნიშნა ჯეჯელავამ.

ცნობისთვის, IRI-ს კვლევის თანახმად, პარტიების რეიტინგში „ქართული ოცნება“ ლიდერობს, მეორე ადგილზე კი, „ნაციონალური მოძრაობაა“.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან