რუსული მედიის დიდმა ნაწილმა ქვეყანაში მრავალათასიანი ანტიკორუფციული მიტინგები არ შეიმჩნია

2017-03-27 08:35:51, 3008 ნახვა

მსოფლიო

დამოუკიდებელი რუსული ინტერნეტ გამოცემა Meduza-ს ინფორმაციით, ადგილობრივი საინფორმაციო მედიის დიდმა ნაწილმა ქვეყნის ათობით ქალაქში გამართული ანტიკორუფციული მრავალათასიანი მიტინგები ფაქტობრივად არ შეიმჩნია.

საპროტესტო აქციები ვერც Яндекс-ის ახალი ამბების სათავეში მოხვდა.

ამასთან, Meduza შუა მოვლენების დროს წამყვანი რუსული სააგენტოების, ტელევიზიების და რადიოების ვებგვერდების, ასევე მოსკოვის მერიას დაქვემდებარებული მედია გამოცემების პირველი გვერდების ფოტოებს აქვეყნებს.

ანტიკორუფციული დემონსტრაციები ამ გამოცემების მთავარ ამბებში ვერ მოხვდა.

შეგახსენებთ, რომ გუშინ, საპროტესტო აქციები მთელი რუსეთის მასშტაბით ჩატარდა. ზოგიერთ ადგილას აქციები ორგანიზებული იყო, ზოგან სპონტანური. აქციები 82 ქალაქში გაიმართა, და მასში მთლიანობაში 60 ათასი ადამიანი მონაწილეობდა. ადგილობრივი დროით 20:00 საათისთვის მოსკოვის აქციაზე 700-მდე ადამიანი დააკავეს, მათ შორის პოზიციონერი ალექსეი ნავალნი.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან