სოფლის განვითარების სტრატეგია 2017-2020 წლების საჯარო პრეზენტაციის შემდეგ, სოფლის მეურნეობის სამინიტროში საქართველოს სოფლის განვითარების უწყებათაშორისი საკოორდინაციო საბჭოს პირველი სამუშაო შეხვედრა გაიმართა.

უწყების პრესსამსახურის ინფორმაციით, შეხვედრას სოფლის მეურნეობის მინისტრის პირველი მოადგილე ნოდარ კერესელიძე ხელმძღვანელობდა.

მათივე ცნობით, საქართველოს სოფლის განვითარების უწყებათაშორისი საკოორდინაციო საბჭოს მთავარი ფუნქცია სტრატეგიის განხორციელების მონიტორინგი და სოფლის განვითარებასთან დაკავშირებული პროცესების ზედამხედველობაა.

შეხვედრაზე განისაზღვრა, რომ საბჭოს წევრები ოთხ ჯგუფად შემდეგი ძირითადი მიმართულებით  -  1.ეკონომიკისა და კონკურენტუნარიანობის სფერო, 2.სოციალური მდგომარეობის და ცხოვრების დონის სფერო, 3.გარემოსა და ბუნებრივი რესურსების მდგრადი მართვის სფერო და 4.ადგილობრივი მოსახლეობის ჩართულობა -  იმუშავებენ.

შეხვედრაზე  2018 წლის სამოქმედო გეგმის შემუშავებისა და   უწყებათაშორისი კომისიის სამუშაო ჯგუფების შემადგენლობის საკითხებიც განიხილეს.  

სოფლის განვითარების უწყებათაშორისი საკოორდინაციო საბჭოს შეხვედრები კვარტალში ერთხელ გაიმართება.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

5 ივლისი გაორმაგების დღეა - მომხმარებლებს 500-ზე მეტ პარტნიორ ობიექტში 50%-იანი ფასდაკლება დახვდებათ

რა წერია OHCHR-ის ანგარიშში 2025 წელს საქართველოში ადამიანის უფლებებთან დაკავშირებით

შიო III პრორუსული პარტიის ლიდერს ზურა მახარაძეს შეხვდა

თბილისში ყაჩაღობა მოხდა