2017-03-16 14:51:13, 2137 ნახვა
პოლიტიკა კომენტარი
ჩუგოშვილი: თუ შეუძლიათ, რომ წაახალისონ ვანდალიზმი, პოლიციის მანქანების დაწვა, ბოდიშის მოხდაც უნდათ შეეძლოთ
"თუ შეუძლიათ , რომ წაახალისონ ვანდალიზმი- პოლიციის მანქანების დაწვა და მოლოტოვის კოქტეილების სროლა, ისიც უნდა შეეძლოთ, რომ შემდეგ ბოდიში მოიხადონ",-ასე გამოეხმაურა პარლამენტის ვიცე-სპიკერი თამარ ჩუგოშვილი პრემიერის განცხადებას, რომლის თანახმადაც, "ნაციონალურ მოძრაობას" ბათუმში განვითარებულ მოვლენებზე პოლიტიკური პასუხისმგებლობა ეკისრება.
“გამოძიებაზე დეტალური ინფორმაცია ნამდვილად არ მაქვს. ეს თვითონ საგამოძიებო ორგანოებმა უნდა გვითხრან. პოლიტიკური პასუხისმგებლობა მემგონი ცალსახად უნდა აიღოს იმ პოლიტიკურმა ჯგუფმა, რომელიც წახალისებას აკეთებდა და ართულებდა მდგომარეობას ბათუმში და ცეცხლზე ნავთს ასხამდა",-აღნიშნა ჩუგოშვილმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
