პროკურორი: დეკანოზ გიორგი მამალაძეს ადრე თუ გვიან მოუწევს მძიმე ბრალდებებს პასუხი გასცეს

2017-03-13 10:48:43, 2324 ნახვა

სამართალი კომენტარი

„დეკანოზ გიორგი მამალაძეს ადრე თუ გვიან მოუწევს მძიმე ბრალდებებს პასუხი გასცეს“,-ამის შესახებ ე.წ. ციანიდის საქმის პროკურორმა ჯარჯი წიკლაურმა განაცხადა.

პროკურატურის წარმომადგენლები სასჯელაღსრულების მე-9 დაწესებულებაში ცოტახნის წინ მივიდნენ.

როგორც პროკურორმა აღნიშნა, მამა გიორგი მამალაძეს ფაქტობრივად ამოეწურა ყველა საბაბი, რის გამოც კრიტიკულ შეკითხვებზე პასუხს არ სცემდა.

„ფაქტობრივად, მას ამოეწურა ყველა საბაბი, რის გამოც კრიტიკულ შეკითხვებზე პასუხს არ სცემდა, თუ, რა თქმა უნდა, დღესაც რაიმე მიზეზს არ დაასახელებს და კვლავ თავს აარიდებს საგამოძიებო მოქმედებას. ჩვენ დარწმუნებული ვართ, რომ, ადრე თუ გვიან, მას მოუწევს ამ მძიმე ბრალდებებს გასცეს პასუხი და ყველა შეკითხვას უპასუხოს ამომწურავად და სწორედ ამ მიზეზით ვხვდებით დღეს მას. შეკითხვები არის ძალიან ბევრი, როგორც ამ მომწამვლელი ნივთიერების მოძიება შეძენის თაობაზე, ასევე ბევრი სხვა თემა არის, რაზეც დღეს უნდა დაისვას შეკითხვები“, - განაცხადა ჯარჯი წიკლაურმა.

სასჯელაღსრულების მე-9 დაწესებულებაში ბრალდებულის ადვოკატებიც იმყოფებიან.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან