მეუფე პეტრე გამორიცხავს, რომ დეკანოზ მამალაძეს ჩვენებაში მისი გვარი დაესახელებინა

2017-02-28 15:50:16, 2195 ნახვა

საზოგადოება კომენტარი

ჭყონდიდის მიტროპოლიტი, მეუფე პეტრე გამორიცხავს, რომ დეკანოზ გიორგი მამალძეს საკუთარ ჩვენებაში მისი სახელი და გვარი დაესახელებინა.

როგორც მეუფემ აღნიშნა, მას მამა გიორგი მამალაძესთან 22 დეკემბერს მხოლოდ მიმოწერა ჰქონდა.

"ერთადერთს ვითხოვ, მაღალკვალიფიციურ ჩართულობას. ეთერში გავახმოვანე ფილმი "მიმინო" და მიხვდით რატომ?! "მიმინოში" არის ძალიან საინტერესო ფაქტი. ადამიანი აიყვანეს თითქოს ყაჩაღობაზე, ამ დროს ადვოკატმა გამოიძია და აღმოჩნდა, რომ ამ ადამიანთან ძალიან დიდი პირადი დაპირისპირება ჰქონდა საქართველო. აი ასეთი მიდგომაა საჭირო. მამა გიორგი მამალაძესთან ერთადერთი მიმოწერა მქონდა, როდესაც მე პირველად 22 დეკემბერს, ეთერში ვამხილე საპატრიარქოს ჩრდილოვანი მმართველობა. აი მაშინ შემეხმიანა მამა გიორგი, მადლობა გადამიხადა და მეც დავლოცე. სხვა შეხება არ მქონია", - აღნიშნა მეუფემ.

ჟურნალისტის კითხვაზე - თუ მიაწვდის ის დამატებით ინფორმაციას საგამოძიებო უწყებას და თუ დაასახელებს კონკრეტული პირების სახელებს და გვარებს, მეუფემ აღნიშნა, რომ არა.

შეგახსენებთ, რომ მთავარ პროკურატურაში მეუფე პეტრე ცაავას დაკითხვა მიმდინარეობს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან