ჯონი ხეცურიანი ნაფიც მსაჯულთა ინსტიტუტის გაუქმების მომხრეა

2017-02-13 18:29:06, 2477 ნახვა

პოლიტიკა კომენტარი

კონსტიტუციონალისტ ჯონი ხეცურიანის შეფასებით, ნაფიც მსაჯულთა ინსტიტუტი საერთოდ უნდა გაუქმდეს.

მისი თქმით, საქართველოში აღნიშნული ინსტიტუტი ვერ გაამართლებს.

„რამდენიმე წევრი ვფიქრობთ, რომ ნაფიც მსაჯულთა ინსტიტუტი ვერ გაამართლებს საქართველოში და არც არის მიზანშეწონილი მისი გამოყენება. ამ ინსტიტუტმა თავისი როლი უკვე შეასრულა, ისტორიულად ვამბობ, იქ სადაც ჩამოყალიბდა, ევროპაში, როდესაც ხალხს, მასებს მიეცათ საშუალება, მონაწილეობა მიეღოთ მართლმსაჯულების განხორციელებაში. ვფიქრობ, თანამედროვე პირობებში მართლმსაჯულება უნდა განახორციელონ პროფესიონალებმა. ისეთ პატარა ქვეყანაში, როგორიც საქართველო გახლავთ, სადაც ასეთი ურთიერთობა არსებობს მოსახლეობაში, ძალიან ძნელი იქნება ნაფიც მსაჯულმა ობიექტური გადაწყვეტილება მიიღოს. ეს ინსტიტუტი დაწუნებულია იმ ქვეყანაში, რომელიც მისი სამშობლოა. ეს არის ყველაზე ძვირადღირებული და ა.შ. უამრავი არგუმენტი არსებობს ამის საწინააღმდეგოდ.
არიან ქვეყნები, სადაც საერთოდ არ არის ნაფიც მსაჯულთა ინსტიტუტი, ან ნაკლებად გამოიყენება. ამ მეთოდით მართლმსაჯულების განხორციელებას ბევრი ხარვეზი ახლავს“, - განაცხადა ჯონი ხეცურიანმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან