რუსი ოპოზიციონერი ალექსეი ნავალნი სასამართლომ დამნაშავედ ცნო

2017-02-08 17:43:18, 2836 ნახვა

მსოფლიო

რუსეთის ოპოზიციის ლიდერი ალექსეი ნავალნი, ქონების მისაკუთრების ბრალდებით, სასამართლომ უკვე მეორედ ცნო დამნაშავედ, - ამის შესახებ BBC იუწყება.

მედია საშუალების ინფორმაციით, „ადამიანის უფლებათა ევროპულმა სასამართლომ“ დაადგინა, რომ 2013 წელს ნავალნის სამართლიანი სასამართლოს უფლება შეეზღუდა და რუსეთს საქმის ხელახლა განხილვა დაავალა. მაშინ სასამართლომ ნავალნი 16 მილიონი რუბლის ღირებულების ხე-ტყის მასალის მითვისებაში დამნაშავედ ცნო.

როგორც ნავალნიმ აღნიშნა, სასამართლოს ახლანდელი გადაწყვეტილება 2013 წლის განაჩენის ზუსტი ასლია. პოლიტიკოსის შეფასებით, ის დარწმუნებული იყო, რომ სასამართლო კიდევ ერთხელ გაამტყუნებდა.

ალექსეი ნავალნი ბრალდებებს პოლიტიკურად მოტივირებულს უწოდებს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან