„რუსთავის აზოტიდან“ გათავისუფლებული მუშები ვარდების მოედნიდან, თავისუფლების მოედანზე მდებარე საქართველოს ბანკის ცენტრალური ოფისისკენ საპროტესტო მსვლელობით მიემართებიან.

აქციაზე მყოფი გათავისუფლებული მუშები აცხადებენ, რომ  ითხოვენ სამსახურში აღდგენას და შრომითი კონტრაქტების გაუმჯობესებას.

ამასთან, როგორც აქციის ერთ–ერთმა ორგანიზატორმა და პროფესიული კავშირების წევრმა თეიმურაზ გვენეტაძემ აღნიშნა, საპროტესტო აქციები გაგრძელდება მანამ, სანამ კონკრეტული შედეგი არ იქნება მიღწეული.

“დღევანდელი აქცია გაგრძელებაა იმ პროტესტის, რომელიც ქარხნიდან გათავისუფლებულ ადამიანებს უკავშირდება. რუსთავის აზოტმა  350 ადამიანი ყოველგვარი გაფრთხილების გარეშე გაათავისუფლა, ჩვენ ვითხოვთ მათ სამსახურში აღდგენას და შრომითი პირობების გაუმჯობესებას. საპროტესტო აქციებმა გარკვეული შედეგი გამოიღო – დამსაქმებელმა გადაწყვიტა, რომ ერთი თვის ხელფასი მისცეს გათავისუფლებულებს, მსგავსი საპროტესტო აქციები მანამ გაგრძელდება სანამ შედეგი არ იქნება მიღწეული”, – განაცხადა თეიმურაზ გვენეტაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მიხეილ სააკაშვილი: განცხადებები გილაურთან ნაციონალური მოძრაობის მოლაპარაკებების შესახებ ტყუილია

ერთიანი ეროვნული გამოცდების დროს თბილისში ავტობუსების დამატებითი მარშრუტები დაინიშნება

თეთრმა სახლმა განაცხადა, რომ აშშ-სა და ირანს შორის ტექნიკური მოლაპარაკებები მიმდინარეობს

უკრაინამ Rheinmetall-ისგან 155 მმ-იანი საარტილერიო ჭურვები შეუკვეთა