შერიგებისა და სამოქალაქო საკითხებში სახელმწიფო მინისტრი ქეთევან ციხელაშვილი საქართველოს მოქალაქეებისთვის  უვიზო მიმოსვლის რეჟიმის შემოღების შესახებ ევროპარლამენტში დღეს დაგეგმილ კენჭისყრას გამოეხმაურა და აღნიშნა, რომ  დღეს ძალიან მნიშვნელოვანი გადაწყვეტილება მიიღება.

 ციხელაშვილის თქმით, ყველა სარგებელი, რომელიც გამომდინარეობს ევროკავშირთან, თუ სხვა პარტნიორებთან თანამშრომლობის ფორმატებიდან, ხელმისაწვდომი უნდა გახადონ აფხაზეთისა და ცხინვალის  რეგიონის მაცხოვრებლებისთვის.

„უვიზოდ გადაადგილების შესაძლებლობა არის ერთ-ერთი ყველაზე  კონკრეტული სარგებელი, რომლითაც შეძლებს   თითოეული საქართველოს მოქალაქე, რომ ისარგებლოს და ჩვენი ამოცანაა, ამოქმედებისთანავე მაქსიმალურად მარტივად, რის შესაძლებლობასაც პროცედურები იძლევა, ეს სარგებელი ხელმისაწვდომი გავხადოთ  აფხაზებისა და ოსებისათვის. ეს არა მხოლოდ მოგზაურობის შესაძლებლობას ქმნის,  არამედ ძალიან ბევრ სხვა თანმდევ სარგებელსაც და ვფიქრობ, აუცილებლად იქნება ძალიან მიმზიდველი და საინტერესო“,-განაცხადა ქეთევან ციხელაშვილმა.

მისივე განმარტებით, ოკუპირებულ ტერიტორიებზე მაცხოვრებლებისთვის საინფორმაციო კამპანიასაც გეგმავენ:

„უვიზო მიმოსვლის შესაძლებლობა იქნება საქართველოს მოქალაქეებისთვის, შესაბამისად, საქართველოს მოქალაქეობის პასპორტის მქონე პირებისთვის.ჩვენი ამოცანაა, ჩვენი მოქალაქის პასპორტი უფრო ადვილად ხელმისაწვდომი , როგორც გეოგრაფიულად, ისე პროცედურულად, თუმცა ამას  ახლავს თავისი უსაფრთხოების მექანიზმები,  გავხადოთ ოკუპირებულ ტერიტორიებზე მაცხოვრებლებისთვის. ვაპირებთ კამპანიას. ამის შესახებ ინფორმაცია ისედაც ვრცელდება ორივე რეგიონში, თუმცა ჩვენი ამოცანაა, მათთვის გასაგებ ენაზე კიდევ უფრო მარტივად აღსაქმელი  გავხადოთ მათ შორის პროცედურული დეტალები და ეს მალე ხელმისაწვდომი გახდება“,-განაცხადა ქეთევან ციხელაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გარემოსდაცვითი ზედამხედველობის დეპარტამენტი ავტომობილების დაჯარიმების თაობაზე მოქალაქეებს თაღლითური SMS-ების შესახებ აფრთხილებს

შსს: ინფორმაცია, რომ ქვეყანაში ერთ დღეში 20 000 რუსეთის მოქალაქე შევიდა, დეზინფორმაციაა

მდინარაძე ღარიბაშვილზე - როდესაც კორუფციას ასე უკომპრომისოდ დავუპირისპირდით, იმისთვისაც მზად ვართ, რომ მსგავსი ბრალდებები იქნება

რუსეთის საბაჟო სამსახური: ზემო ლარსის გავლით მგზავრთა ნაკადმა რეკორდი მოხსნა