აჭარის მოსახლეობისთვის ახალი წლის მილოცვის შემდეგ 31 დეკემბერს  რეგიონის პირველი პირი  უმაღლესი საბჭოს თავმჯდომარესთან  ერთად სახანძრო-სამაშველო სამსახურში იმყოფებოდა.

აჭარის მთავრობის პრესსამსახურის ინფორმაციით, ზურაბ პატარაძემ იმ უწყებების თანამშრომლებს, რომლებიც 24 საათიან რეჟიმში მუშაობენ და სადღესასწაულო დღეებშიც მორიგეობენ, ახალი წელი პირადად მიულოცა, მათ მშვიდობიანი ღამე და წარმატებული წელი უსურვა.

,,ამ ახალი წლის ღამეს მოვიარეთ ბევრი ლოკაცია. ახლა ვიმყოფებით იქ, სადაც 24 საათიან რეჟიმში მუშაობენ ადამიანები. განსაკუთრებით მინდა მივულოცო საგანგებო სამსახურებს, რომლებიც დღე და ღამ დგანან ჩვენი მოსახლეობის სადარაჯოზე. მათ რთული და საპასუხისმგებლო საქმიანობა აკისრიათ და ისინი პირნათლად ასრულებენ მათზე დაკისრებულ მოვალეობას. მინდა ვუსურვო მათ ჯანმრთელობა, მშვიდობა, სიკეთე. დიდხანს მდგარიყვნენ  თავიანთი ქვეყნის და ხალხის სამსახურში"-აღნიშნა ზურაბ პატარაძემ მილოცვისას.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„დეფიციტის ახალი ტალღა“: რუსეთში ბენზინგასამართი სადგურების 70%-ზე მეტს ბენზინი ამოეწურა

„ყველა, ვისაც შეუძლია, ცდილობს თავისი ფულის გატანოს“ - რუსი მილიარდერები კაპიტალის გადარჩენას ცდილობენ

ღარიბაშვილი: წერილი გამომიგზავნა მამუკა მდინარაძემ

ირაკლი ღარიბაშვილი საპატიმროდან დაპირებულ წერილს ავრცელებს