საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი სოზარ სუბარი და მინისტრის პირველი მოადგილე გრიგოლ გიორგაძე თურქეთის რესპუბლიკის საზღვარგარეთ მცხოვრები თურქებისა და მონათესავე თემების საქმეთა ადმინისტრაციის ხელმძღვანელს კუდრეთ ბულბულსა და თურქეთის დელეგაციის წარმომადგენლებს შეხვდნენ. 

ამის შესახებ „ექსპრესნიუსს“  ლტოლვილთა და განსახლების სამინისტროდან აცნობეს.

უწყების ინფორმაციით, შეხვედრაზე მხარეებმა  ორ ქვეყანას შორის არსებულ მჭიდრო ურთიერთობებზე ისაუბრეს და მუსულმანი მესხების რეპატრიაციის საკითხი განიხილეს. 

სუბარის განცხადებით, 2014 წელს საქართველოს მთავრობის განკარგულებით, დამტკიცდა „ყოფილი სსრკ-ის მიერ მე-20 საუკუნის 40-იან წლებში საქართველოს სსრ-იდან იძულებით გადასახლებულ პირთა რეპატრიაციის შესახებ სახელმწიფო სტრატეგია“ და ამჟამად მიმდინარეობს მუშაობა სტრატეგიის სამოქმედო გეგმის შემუშავებაზე. სტრატეგიის მიზანია დაბრუნების პროცესის გაადვილება და შემდგომი ადაპტაციის ხელშეწყობა. 

ამასთან, კუდრეთ ბულბულის განაცხადებით,  ის  მოხარულია, რომ   საქართველოს მთავრობამ დაამტკიცა სტრატეგია და თავის მხრივ,  თურქული მხარე მზად  არის როგორც ფინანსურად, ისე მორალურად ხელი შეუწყოს მუსულმანი მესხების ღირესეულ დაბრუნებას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან