სასტუმრო „ვერე პალასში“ რეგიონული პროექტის - „ ეკოლოგიური კორიდორები კავკასიაში“ პრეზენტაცია გაიმართა. 

როგორც „ექსპრესნიუსს“ გარემოს დაცვის სამინისტროდან აცნობეს, პროექტი დაცულ ტერიტორიებს შორის დამაკავშირებელი ეკოკორიდორების შექმნას ისახავს მიზნად.

მათივე ინფორმაციით, საქართველოში პილოტურ კორიდორად შერჩეულია დასავლეთ მცირე კავკასიონი. პროექტის ფარგლებში ეკოკორიდორების ფონდი ჩამოყალიბდება, გრანტის მოცულობა კი სამხრეთ კავკასიის რეგიონში 8 მილიონ ევროს შეადგენს.

ცნობისთვის, პროგრამა ბუნების დაცვის მსოფლიო ფონდის (WWF) კავკასიის ოფისის მიერ, გერმანიის რეკონსტრუქციის საკრედიტო ბანკის (KFW)  და გერმანიის ეკონომიკური თანამშრომლობისა და განვითარების სამინისტროს ( BMZ) ფინანსური მხარდაჭერით ხორციელდება.

პრეზენტაციას დონორი ორგანიზაციების წარმომადგენლებთან ერთად, საქართველოს, სომხეთისა და  აზერბაიჯანის სამთავრობო და არასამთავრობო ორგანიზაციების წარმომადგენლები ესწრებოდნენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან