პარლამენტის ვიცე-სპიკერის გია ვოლსკის განცხადებით, კონსტიტუცია მთლიანად ჩამოსაყალიბებელია იმისათვის, რომ სამომავლოდ შეიქმნას მყარი დოკუმენტი, რომელიც ჭრა-კერვის ობიექტი არ იქნება.

როგორც ვოლსკიმ ჟურნალისტებს საკონსტიტუციო კომისიის სხდომის დაწყებამდე განუცხადა, პოლიტიკური სპეკულაციები ნებისმიერ საკითხთან დაკავშირებით არის შესაძლებელი, თუმცა სახელმწიფოსთვის მნიშვნელოვანი კომისია უკვე შეიქმნა და ის ყველა შესაბამის დეტალზე სათანადოდ იმუშავებს.

„ჯერ არ ვართ ჩამოყალიბებული დღეს რა თემებზე ვიმსჯელებთ, თუმცა ფაქტი ის არის, რომ ბევრ თემას განვიხილავთ. ბევრი არასამთავრობო ორგანიზაცია და პოლიტიკური პარტია შეიძლება უკმაყოფილოა იმით, რომ კომისიაში ვერ იქნებიან. წმინდა საორგანიზაციო საკითხია, რომ კომისია უსასრულო ვერ იქნება, თუმცა მზად არის ნებისმიერი ადამიანის მიერ შემოტანილი საკითხი სათანადოდ განიხილოს. აქ საწყენი არაფერია“, - განაცხადა ვოლსკიმ.

ამასთან, დეპუტატმა პრეზიდენტის ინსტიტუტთან დაკავშირებით გააკეთა კომენტარი. მისი შეფასებით, დროა, პრეზიდენტის ადმინისტრაციამ საკონსტიტუციო კომისიასთან დაკავშირებით განცხადება გააკეთოს.

„პრეზიდენტის ინსტიტუტს გააჩნია გარკვეული ვალდებულებები მოსახლეობის წინაშე და ვთვლი, რომ ისინი ამ კომისიაში უნდა იყვნენ. რა თქმა უნდა მათი ადგილები ვაკანტურია, თუმცა პოზიტიურ სიგნალებს მე ვერ ვხედავ. ვფიქრობ, ამ საკითხზე კონსულტაციები მომავალშიც გაგრძელდება, წინააღმდეგ შემთხვევაში ისინი დაკეტილი კარის მიღმა პოზიციაში დარჩებიან“, -განაცხადა ვოლსკიმ.

ცნობისთვის, სასტუმრო „რადისონ ბლუ ივერიაში“ საკონსტიტუციო კომისიის პირველი სხდომა მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანტიკორუფციულმა ორგანოებმა ზელენსკის ოფისის უფროსის მოადგილის სახლში ჩხრეკა ჩაატარეს

მიხაილ ფედოროვმა უკრაინაში არჩევნების ჩატარება მოითხოვა

ტრამპს ჩრდილოეთ კორეის ლიდერთან შეხვედრა შემოდგომაზე სურს

შეერთებულმა შტატებმა საერთაშორისო სისხლის სამართლის სასამართლოს პრეზიდენტის წინააღმდეგ სანქციები დააწესა