აჭარის მთავრობის თავმჯდომარემ ზურაბ პატარაძემ  დღეს აჭარის განათლების, კულტურისა და სპორტის სამინისტროს თანამშრომლებს ახლადარჩეული მინისტრი, ინგა შამილიშვილი წარუდგინა.

აჭარის მთავრობის პრესსამსახურის ინფორმაციით, აჭარის ავტონომიური რესპუბლიკის უმაღლესი საბჭოს ბიუროს 19 დეკემბრის რიგგარეშე სხდომაზე ინგა შამილიშვილი მინისტრად ხმების უმრავლესობით იქნა არჩეული.

ცნობისთვის, აჭარის განათლების მინისტრი ინგა შამილიშვილი ბათუმის უნივერსიტეტის ასოცირებული პროფესორია.

 იგი დღემდე ბათუმის სახელმწიფო უნივერსიტეტში პრორექტორის თანამდებობაზე მუშაობდა. ფილოლოგიის მეცნიერებათა კანდიდატი და ასოცირებული პროფესორი გარდა სამეცნიერო და პედაგოგიური მოღვაწეობისა, აქტიურად იყო ჩართული უნივერსიტეტის საორგანიზაციო საკითხებში, მისი უშუალო ჩართულობითა და დახმარებით უნივერსიტეტის სასწავლო დარგის განვითარებისათვის არაერთი პროექტი განხორციელდა. ბოლო ხუთი წლის განმავლობაში გამოქვეყნებული აქვს რამდენიმე სამეცნიერო ნაშრომი. ინგა შამილიშვილი ფლობს რუსულ და ინგლისურ ენებს. ინგა შამილიშვილი საგანმანათლებლო საქმიანობას 1993 წლიდან ეწევა.

,,ვფიქრობ, ინგა შამილიშვილი  არის ნამდვილი პროფესიონალი, რომელსაც საგანმანათლებლო სისტემაში მუშაობის 23 წლიანი გამოცდილება აქვს. იგი აკმაყოფილებს ყველა იმ აუცილებელ კრიტერიუმს, რომელიც რეგიონში განათლების, კულტურისა და სპორტის მიმართულების ხელმძღვანელ პირს მოეთხოვება: გამოცდილება, პროფესიონალიზმი, საქმისადმი ერთგულება, საზოგადოებისათვის სასარგებლო საქმიანობაში ჩართულობა" - აღნიშნა რეგიონის ხელმძღვანელმა მინისტრის წარდგენისას.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან