რუსეთის პატრიარქი მიიჩნევს, რომ სირიაში მიმდინარე ომი სამართლიანი და წმინდაა

2016-12-16 14:56:58, 2830 ნახვა

მსოფლიო

რუსეთის პატრიარქი კირილე მიიჩნევს, რომ სირიაში მიმდინარე ომი სამართლიანი და წმინდაა, - ამის შესახებ პატრიარქმა ინტერვიუში განუცხადა.

"ამაზე ბევრი არ საუბრობს, მაგრამ პატრიარქმა ეს უნდა თქვას. ჩვენ გამოგვიცხადეს გამოუცხადებელი ომი. იქნებ ახლა სირიის მაგალითზე ჩვენ გავიგებთ, რა უნდათ ჩვენ მოწინააღმდეგეებს. მათ უნდათ რუსეთის განადგურება. და თუ ეს ომია, ჩვენ ყველანი მობილიზებულები უნდა ვიყოთ. ის რაც დღეს ხდება ჩვენს მეზობელ სირიაში, სწორედ ეს არის სახელმწიფოს დაცვა. გარკვეულ ქმედებები შესაძლოა გამართლებული იყო. ტერორიზმთან ბრძოლას წმინდა ომს ვეძახი", - განაცხადა პატრიარქმა.

მედიის ცნობით, ერთ-ერთ შეხვედრაზე პატრიარქმა რუსეთის პრეზიდენტ ვლადიმერ პუტინს სირიაში განხორციელებული ქმედებებისთვის მადლობა გადაუხადა.

"პატრიარქმა უნდა თქვას სიმართლე, მიუხედავად პოლიტიკური აქცენტებისა. მადლობას გიხდით ბატონო პრეზიდენტო",- მიმართა რუსეთის პატრიარქმა ვლადიმერ პუტინს

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან