თბილისი გერმანულ-ფრანგულ რეგიონალურ ამბასადორიალს უმასპინძლებს

2016-12-15 21:09:57, 2682 ნახვა

მსოფლიო

16 დეკემბერს თბილისში ფრანგულ-გერმანული რეგიონალური ამბასადორიალი გაიმართება, რომელშიც მონაწილეობას მიიღებენ გერმანიისა და საფრანგეთის საგარეო საქმეთა სამინისტროების შესაბამისი დეპარტამენტების წარმომადგენლები, ასევე გერმანიისა და საფრანგეთის ელჩები საქართველოში, აზერბაიჯანის რესპუბლიკაში, სომხეთში, თურქეთის რესპუბლიკასა და რუსეთში.

აღსანიშნავია, რომ გერმანულ-ფრანგული ამბასადორიალი თბილისში პირველად იმართება. ღონისძიების გახსნით ცერემონიაზე ამბასადორიალის მონაწილეებს სიტყვით მიმართავს საქართველოს საგარეო საქმეთა მინისტრი მიხეილ ჯანელიძე.

ღონისძიების ფარგლებში გაიმართება ოთხი სამუშაო ჯგუფის შეხვედრა, რა დროსაც ყურადღება გამახვილდება რეგიონში არსებულ პოლიტიკურ ვითარებაზე, უსაფრთხოების გარემოზე, ეკონომიკურ შესაძლებლობებსა და მასთან მიმართებაში გერმანია-საფრანგეთის პოლიტიკაზე. ამბასადორიალის მონაწილეები ასევე იმსჯელებენ აღნიშნულ რეგიონში სხვადასხვა სფეროში ერთობლივი პროექტების განხორციელების პერსპექტივებსა და სამომავლო გეგმებზე.