გამყოფი ხაზის მიმდებარე სოფლებში მცხოვრები სტუდენტების სწავლის სახელმწიფო ბიუჯეტიდან დაფინანსება წელსაც გაგრძელდება. შესაბამისი განკარგულება საქართველოს მთავრობამ გამოსცა.

კერძოდ,  2016-2017 სასწავლო წელს, საქართველოს განათლებისა და მეცნიერების სამინისტრო შესაბამისი მუნიციპალიტეტების მიერ მოწოდებული ინფორმაციის საფუძველზე დაახლოებით 800 სტუდენტს დააფინანსებს.

სტუდენტების სწავლის დაფინანსების საკითხი გამყოფი ხაზის მიმდებარე სოფლების საჭიროებებზე რეაგირების დროებითმა სამთავრობო კომისიამ მიმდინარე წლის 4 ნოემბრის სხდომაზე განიხილა.

„გამყოფი ხაზის მიმდებარე სოფლებში მცხოვრები სტუდენტების სწავლის დაფინანსება ჩვენი კომისიის მუშაობის ერთ-ერთი პრიორიტეტია. განათლების სამინისტროს ამ დახმარებით 800-მდე სტუდენტი სარგებლობს, ეს დახმარება წელსაც გაგრძელდება, რაც, ვფიქრობთ, მათი ოჯახებისთვის ხელშესახები შეღავათია. დროებითი სამთავრობო კომისია და კომისიაში ჩართული სახელმწიფო უწყებები კვლავაც გააგრძელებენ გამყოფი ხაზის მიმდებარე სოფლების მოსახლეობის საჭიროებებზე მაქსიმალურად ეფექტურ რეაგირებას“, - განაცხადა შერიგებისა და სამოქალაქო თანასწორობის საკითხებში საქართველოს სახელმწიფო მინისტრმა ქეთევან ციხელაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს