ირაკლი კობახიძე: გივი თარგამაძის მანქანის აფეთქების საქმის დროულად გახსნა მნიშვნელოვანია

2016-12-14 13:06:48, 985 ნახვა

პოლიტიკა

პარლამენტის თავმჯდომარის ირაკლი კობახიძის განცხადებით, დეპუტატ გივი თარგამაძის მანქანის აფეთქების საქმის დროულად გახსნა მნიშვნელოვანია.

უმცირესობის წევრმა ირაკლი აბესაძემ პლენალურ სხდომაზე პარლამენტს მიმართა, ნუ მისცემენ პროკურატურას საშუალებას, მათი კოლეგის წინააღმდეგ ჩადენილი დანაშაული „მიჩქმალოს“.

კობახიძის თქმით, აღნიშნულ საქმესთან დაკავშირებით კონულტაციებისთვის მზადაა:

„ძალიან მნიშვნელოვანია ამ საქმის დროულად, რაც შეიძლება მალე გახსნა. მზად ვარ, განვიხილო ეს საკითხი თქვენთან ერთად, თუ საჭირო იქნება, სხვადასხვა ფორმატის გამოყენება, თუნდაც ჩვენი საზედამხედველო ფუნქციების ამუშავება იმისათვის, რომ ღრმად ჩავიხედოთ ამ საქმეში, მზად ვარ კონსულტაციისთვის“,-განაცხადა ირაკლი კობახიძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან