ბოლო მონაცემებით, სტამბოლში აფეთქებებს 38 ადამიანი, მათ შორის 30 პოლიციელი ემსხვერპლა

2016-12-11 16:48:14, 2916 ნახვა

მსოფლიო

ბოლო მონაცემებით, სტამბოლში, ტაქსიმის მოედანთან მომხდარი ორი აფეთქების შედეგად, მინიმუმ 38 ადამიანი დაიღუპა, მათ შორის 30 პოლიციელია, 160 კი დაშავდა. ინფორმაციას BBC ავრცელებს.

თურქეთის შინაგან საქმეთა მინისტრის განცხადებით, თავდასხმის სამიზნე პოლიცია იყო. მისივე თქმით, უკვე დაკავებულია 10 ეჭვმიტანილი.

სულეიმან სოულის ინფორმაციით, თურქეთში, სტამბოლის ცენტრში, ტაქსიმის მოედანთან მდებარე სტადიონთან ავტომობილში ჩადებული ბომბი დისტანციური მართვის საშუალებით აამოქმედეს.
ცოტა ხნის შემდეგ, სტადიონიდან რამდენიმე მილის დაშორებით, Macka Park-ის ტერიტორიაზე, მეორე აფეთქება თვითმკვლელმა ტერორისტმა განახორციელა. თურქეთის პრეზიდენტმა რეჯეპ ტაიპ ერდოღანმა ექსტრემისტების თავდასხმა პოლიციელებზე დაგმო.

მომხდარზე პასუხისმგებლობა "ქურთისტანთნა მუშათა პარტიის" ფილიალმა, "ქურთისტანის თავისუფლების ქორებმა" აიღო.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან