საქართველოს განათლებისა და მეცნიერების სამინისტრო განცხადებას ავრცელებს.

როგორც განცხადებაშია აღნიშნული, უწყება უარყოფს გავრცელებულ ინფორმაციას, თითქოს 9 დეკემბერს, სხვადასხვა უწყებებთან ერთად, საქართველოს მეცნიერებათა ეროვნულ აკადემიაში, კონფერენციის გამართვის ერთ-ერთი ინიციატორია. მათივე ინფორმაციით, უწყების მიერ მსგავსი კონფერენცია დაგეგმილი არ არის და მისი გამავრცელებლები საკუთარი მიზნების განსახორციელებლად, მიზანმიმართულად  ცდილობენ საზოგადოების შეცდომაში შეყვანას.

"საქართველოს განათლებისა და მეცნიერების სამინისტრო უარყოფს  გავრცელებულ ინფორმაციას, თითქოს 9 დეკემბერს, სხვადასხვა უწყებებთან ერთად, საქართველოს მეცნიერებათა ეროვნულ აკადემიაში, კონფერენციის გამართვის ერთ-ერთი ინიციატორია. გავრცელებულ ინფორმაციაში  ნათქვამია, რომ კონფერენციაზე მოხდება მთავრობის ოთხპუნქტიანი გეგმის ერთ-ერთი ნაწილის, კერძოდ, პროფესიული განათლების  საკითხებზე მსჯელობა და მასში მონაწილეობას მიიღებს არა მხოლოდ პრემიერი და პარლამენტის თავმჯდომარე,  არამედ მთავრობისა და პარლამენტის წევრები, არასამთავრობო ორგანიზაციებისა და სხვადასხვა უწყებების  წარმომადგენლები.

სამინისტრო განმარტავს, რომ უწყების მიერ მსგავსი კონფერენცია დაგეგმილი არ არის და მისი გამავრცელებლები, სავარაუდოდ, საკუთარი მიზნების განსახორციელებლად, მიზანმიმართულად  ცდილობენ საზოგადოების შეცდომაში შეყვანას. გამომდინარე იქიდან, რომ სახელმწიფო უწყების სახელით გავრცელებული არასწორი ინფორმაცია დანაშაულებრივი ქმედებაა, სამინისტრო მიიღებს ზომებს და მომხდარის თაობაზე საქმის კურსში ჩააყენებს შესაბამის უწყებებს", - ნათქვამია განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს