ინდონეზიაში საქართველოს საელჩომ ქალთა საერთაშორისო ორგანიზაციის ეგიდით გამართულ, 49-ე ყოველწლიურ საქველმოქმედო გამოფენა-ბაზრობაში მონაწილეობა მიიღო. ღონისძიებაში ჯაკარტაში აკრედიტებული 53 დიპლომატიური მისია, ასევე სხვადასხვა ადგილობრივი კომერციული ორგანიზაცია მონაწილეობდა.

როგორც "ექსპრესნიუსს" საგარეო საქმეთა სამინისტროდან აცნობეს, გამოფენაზე საქართველოს საელჩომ ქართული კომპანიების მიერ მოწოდებული პროდუქცია, მათ შორის ქართული ღვინო, თაფლი, ტკბილეულობა და მინერალური წყალი, ასევე მინანქრის ხელნაკეთი ნივთები, ქსოვილები და სხვადასხვა სუვენირები წარმოადგინა. 

გამოფენის ფარგლებში ქართულ კუთხეს ეწვია ინდონეზიის პირველი ლედი ჯოკო ვიდოდო. წარმოდგენილმა პროდუქციამ მისი დიდი ინტერესი და მოწონება დაიმსახურა. 
 
აღსანიშნავია, რომ გამოფენის ფარგლებში  ქართული სოფლის მეურნეობის პროდუქციის მიმართ განსაკუთრებული დაინტერესება გამოხატეს ინდონეზიელმა იმპორტიორებმა და საქართველოს საელჩოსთან შემდგომი თანამშრომლობის სურვილი გამოთქვეს.  
 
საქველმოქმედო გამოფენიდან შემოსული თანხა გადაირიცხება საქველმოქმედო ფონდში, რომელიც მოხმარდება სპეციალური საჭიროების მქონე  ბავშვების სწავლა-განათლების უზრუნველყოფასა და მათი სოციალური მდგომარეობის გაუმჯობესებას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს