ლიბიის სამთავრობო ძალებმა ქალაქ სირტეზე კონტროლი აღადგინეს

2016-12-05 21:44:29, 3121 ნახვა

მსოფლიო

ქალაქ სირტეზე, რომელსაც აქამდე ექსტრემისტული დაჯგუფება “ისლამური სახელმწიფოს” მებრძოლები აკონტროლებდნენ, ლიბიის სამთავრობო ძალებმა კონტროლი აღადგინეს.

სირტე ლიბიის ერთადერთი მსხვილი ქალაქი იყო, რომელიც ჯიჰადისტების კონტროლის ქვეშ რჩებოდა.

ლიბიის ხელისუფლების განცხადებით, უსაფრთხოების ძალებს ათობით ისლამისტი მებრძოლი ჩაბარდა ტყვედ.

ლიბიის ნაციონალური ერთიანობის მთავრობამ ქალაქის გათავისუფლების ოპერაცია 2016 წლის მაისში დაიწყო. აგვისტოდან ლიბიის ძალებს მხარდაჭერას აშშ-ის ავიაცია უწევდა.

ცნობისთვის, ქალაქი სირტე “ისლამურმა სახელმწიფომ” 2015 წელს დაიკავა. ქალაქი ახლო აღმოსავლეთის ფარგლებს გარეთ ექსტრემისტული დაჯგუფების უმსხვილესი ბაზა გახდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან