ჯეჯელავა: ბევრ ორგანიზაციაშია შინაგანაწესი, რომელიც ზღუდავს ჩაცმულობას, ვარცხნილობას და სამკაულებს, ეს გაუგონარი ამბავი არ არის

2016-11-29 17:32:42, 1453 ნახვა

პოლიტიკა კომენტარი

სამეგრელოს რამდენიმე სკოლაში მოსწავლეებს თავისუფლად ჩაცმა, ხოლო მასწავლებლებს ფრჩხილის ლაქის წასმა აეკრძალათ. აკრძალვების თაობაზე ამ გადაწყვეტილებასთან დაკავშირებით, განათლებისა და მეცნიერების მინისტრი ალექსანდრე ჯეჯელავა ამბობს, რომ ვითარებაში გაერკვევა და თუ დადგინდა, რომ რაიმე ფორმით ბავშვთა უფლებები შეილახა, ძალინ მკაცრი რეაგირება ექნებათ:

„ნებისმიერი უფლების შელახვას თუ აქვს ადგილი, ამაზე რეაგირებას მივცემთ. ძალიან ბევრ ორგანიზაციაში არის შინაგანაწესი, რომელიც ზღუდავს ჩაცმულობას მათ შორის ვარცხნილობას, სამკაულებს და ა. შ. ასე რომ, ეს გაუგონარი ამბავი არ არის. ამ კონკრეტულ შემთხვევაში სკოლებს რაც შეეხება, აუცილებლად გავერკვევი და თუ რაიმე სახით შეილახა ბავშვთა უფლებები, ძალიან მკაცრი რეაგირება გვექნება ამაზე“,-განაცხადა ალექსანდრე ჯეეჯლავამ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან