2015-03-23 11:38:11, 456 ნახვა
პოლიტიკა
კერესელიძე: გვინდა, რომ პრემიერის უკრაინაში ვიზიტს კარგი შედეგი ჰქონდეს
„გვინდა, რომ პრემიერის უკრაინაში ვიზიტს კარგი შედეგი ჰქონდეს“, - ამის შესახებ საგარეო სამქეთა სამინისტროს სპიკერმა დავით კერესელიძემ ორშაბათის ტრადიციულ ბრიფინგზე განაცხადა.
როგორც კერესელიძემ აღნიშნა, უახლოეს პერიოდში, უკრაინაში დარგობრივი მინისტრების ჩასვლა კვლავ იგეგმება.
„გვინდა, რომ ამ ვიზიტს, როცა ის შედგება, კონკრეტულად კარგი და დადებითი შედეგი ჰქონდეს. მანამდე, დარგობრივი მინისტრები და პარლამენტის წევრები სტუმრობენ უკრაინას. კონკრეტულ გვარებს ვერ დაგისახელებთ, მაგრამ გეტყვით, რომ უახლოეს პერიოდში, კვლავ იგეგმება უკრაინაში დარგობრივი მინისტრების ჩასვლა“, - განაცხადა დავით კერესელიძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
