საქართველოს პრეზიდენტმა გიორგი მარგველაშვილმა და პირველმა ლედიმ მაკა ჩიჩუამ პრეზიდენტის სასახლეში  დაუნის სინდრომის მქონე 50-მდე  ბავშვს უმასპინძლეს. ქვეყნის პირველმა პირმა და მისმა მეუღლემ დაუნის სინდრომის მქონე მოყვარული მხატვრის ლექსო ფოდიშვილის ნახატების გამოფენა დაათვალიერეს. გიორგი მარგველაშვილმა და მაკა ჩიჩუამ პატარებთან ერთად ფერადი ქაღალდები მოხატეს და სამახსოვრო ფოტოები გადაიღეს. ღონისძიებაზე ასევე ნაჩვენები იყო კავშირი  „ჩვენი ბავშვების“ მიერ  მომზადებული სოციალური კლიპი. ნახატების გამოფენა პრეზიდენტის ადმინისტრაციის ხელშეწყობით დაუნის სინდრომის ცნობადობის ამაღლების კვირეულის ფარგლებში გაიმართა.

 „გუშინ იყო 21 მარტი, დაუნის სინდრომის  საერთაშორისო დღე. მთელ მსოფლიოში ეს დღე აღინიშნება მხიარულად, ფერადი წიგნებით. ჩვენ გადავწყვიტეთ, დღეს მოგვეწვია ბავშვები. დიდი მხიარულებაა. ძალიან კარგი განწყობა, ხატავენ კიდეც. მიმაჩნია, რომ ამ ბავშვების ინტეგრაცია გარემოსთან აუცილებელია.ისევე როგორც მთელ მსოფლიოში, ყველა განვითარებულ ქვეყანაში აბსოლუტურად  თანასწორად აღიქმებიან ეს ბავშვები. ადაპტირდებიან ისევე, როგორც ჩვენ. ამიტომ, საჭიროა, ყველამ მხარი დავუჭიროთ, ერთად ვიყოთ ბოლომდე და ჩავიხუტოთ  გულში, როგორც ჩვენი შვილები“,-განაცხადა პრეზიდენტის მეუღლემ, მაკა ჩიჩუამ.

გამოფენას დაუნის სინდრომის მქონე ბავშვები, მათი მშობლები და ამ თემაზე მომუშავე არასამთავრობო ორგანიზაციების წარმომადგენლები ესწრებოდნენ. ღონისძების დასრულების შემდეგ პატარებს სამახსოვრო საჩუქრები გადასცეს.

დაუნის სინდრომის საერთაშორისო დღე 21 მარტს აღინიშნება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან