სასჯელაღსრულებისა  და პრობაციის სამინისტროს  25 თანამშრომელი    23 მარტიდან კოლორადოს შტატის სასჯელაღსრულების დაწესებულებების მართვის საერთაშორისო სასწავლო ცენტრში  ტრენინგს გაივლის და   ორი კვირის განმავლობაში   კრიზისების მართვის კუთხით თეორიულ და პრაქტიკულ ცოდნას შეიძენს. 

ინფორმაციას სასჯელაღსრულებისა და პრობაციის სამინისტრო ავრცელებს.

„ჩვენთვის მთავარი პრიორიტეტია თანამშრომელთა განათლება და კვალიფიკაციის  ამაღლება.  ამაში აქტიურად გვეხმარება ამერიკის შეერთებული შტატების  მთავრობა, რომელმაც  ფინანსური მხარდაჭერა გაგვიწია და ჩვენი თანამშრომლების კოლორადოს შტატში სწავლება უზრუნველყო. ისინი შეისწავლიან კრიზისული სიტუაციების მართვას, რაც დაგვეხმარება იმაში, რომ   გავზარდოთ უსაფრთხოება  და მაქსიმალურად მივუახლოვდეთ დასავლურ სტანდარტებს“, - განაცხადა სასჯელაღსრულებისა და პრობაციის მინისტრმა გიორგი მღებრიშვილმა.  

უწყების ცნობით, 2014 წელს   ამერიკის შეერთებული შტატების  საელჩოსა და სასჯელაღსრულებისა და პრობაციის სამინისტროს შორის მემორანდუმი გაფორმდა, რომლის ფარგლებშიც აშშ-ს საერთაშორისო ნარკოტიკებისა და კანონის აღსრულების საქმეთა ბიურო (INL) საქართველოს სასჯელაღსრულების სისტემაში 2-წლიან პროექტს ახროციელებს.

 პროექტის ძირითადი მიზანია საქართველოში თანამედროვე  სასჯელაღსრულების პრაქტიკის დანერგვა და  სასჯელაღსრულებისა და პრობაციის სამინისტროს  თანამშრომელთა შესაბამისი მომზადება.
აღნიშნული პროექტის ფინანსური მხარდაჭერის მიზნით ამერიკის შეერთებული შტატების  მთავრობამ 1 მილიონი დოლარი გამოყო, რომელიც  კონგრესმა გასული წლის სექტემბერში დაამტკიცა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან