საქართველოს ყოფილი პრეზიდენტი, ოდესის ყოფილი გუბერნატორი მიხეილ სააკაშვილი 27 ნოემბერს კიევში აქციას გამართავს. ამის შესახებ სააკაშვილმა ვიდეომიმართვაში განაცხადა.

როგორც ვიდეომიმართვაში სააკაშვილი აცხადებს, მისი მოძრაობის ოფისს სპეცსამსახურები უთვალთვალებენ, უკრაინის ძირითადმა ტელეკომპანიებმა კი კარი დაუკეტეს. როგორც ყოფილი გუბერნატორი აღნიშნავს, ეს ყველა ზომა მიმართულია იმისთვის, რომ მან და მისმა მხარდამჭერებმა ბრძოლა შეწყვიტონ.

"ჩვენ გვინდოდა წესრიგის რეფორმები, ამის მაგივრად მივიღეთ რეფორმების იმიტაცია და სრული არეულობა ცხოვრების ყველა სფეროში. ჩვენ უნდა ვაჩევნოთ, რომ ქვეყანაში სხვა, ახალი ძალები არსებობს, გულწრფელი, მოწესრიგებული, რომლებსაც რეალურად აქვთ ქვეყნის დაცვის მოტივაცია. ჩვენ უნდა ვაჩვენოთ, რომ ვარსებობთ, გვჯერა უკრაინის მომავლის. ჩვენ გვაქვს საკმარისი ძალა და ენერგია, ხელებს არ ჩამოვუშვებთ, ვერ მოგვისყიდიან, ვერ დაგვაშორებენ, ჩვენით არ შეუძლიათ მანიპულირება. უკრაინას აქვს ეს ძალები. მე მჯერა ქვეყნის ძალის.  ბოლომდე ვიბრძოლებ. მინდა, რომ ყველანი ერთად ვიყოთ. მე თქვენ არ გიღალატებთ. იმედი მაქვს, ამ ბრძოლაში თქვენც ჩვენთან ერთად იქნებით. 27 ნოემბერს, 13.00 საათზე ვიკრიბებით ჩერნოვოლის ქანდაკებასთან, პარლამენტის ორი წლისთავზე. ჩვენ უნდა ვთქვათ - საკმარისია. ჩვენ რეალურად დავიღალეთ. ჩვენ არ დავუშვებთ, რომ თქვენ გააგრძელოთ ის, რასაც თქვენ აკეთებდით. ჩვენ გავერთიანდებით, უფრო და უფრო ბევრნი ვიქნებით და ჩვენ საბოლოო გამარჯვებას მოვიპოვებთ, უკრაინისთვის და ყველა უკრაინელი ოჯახისთვის. ეს ყველაფერი დაიწყება აქ. გელოდებით“, - აღნიშნა სააკაშვილმა ვიდეომიმართვაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს