პრეზიდენტის და ჩემი პოზიციაა, რომ აუცილებელია, რომ ქვეყანაში არსებობდეს მედიაპლურალიზმი, - ამის შესახებ პრეზიდენტის პრესსპიკერმა ეკა მიშველაძემ "რუსთავი 2"-ის პირდაპირ ეთერში განაცხადა.

როგორც მიშველაძემ აღნიშნა, ბოლო წელიწადნახევრის განმავლობაში ქართულ მედიასივრცეში "უცნაური რაღაცეები ხდება". მისივე მტკიცებით, მედიაში არსებული მდგომარეობის, მათ შორის რუსთავი2-ის თემაზე საქართველოს პრეზიდენტს ყველა ოფიციალურ და არაოფიციალურ შეხვედრაზე უწევს კითხვებზე პასუხების გაცემა. 

"პრეზიდენტის და ჩემი პოზიციაა, რომ აუცილებელია, რომ ქვეყანაში არსებობდეს მედიაპლურალიზმი. აუცილებელია, არსებობდეს ხელისუფლებისგან დამოუკიდებელი მედიასაშუალებები. არსებულ კითხვებს პასუხები ღია ფორმატში უნდა გაეცეს. ჩვენ ვიცით, როგორ სრულდება მედიასთან ასეთი ცუდი თამაშები. ეს ნანახი გვაქვს," - განაცხადა მიშველაძემ.

შეგახსენებთ, საქართველოს უზენაესი სასამართლოს კოლეგიამ რუსთავი2-ის საქმეზე გადაწყვეტილება დღეს მიიღო. მოსამართლეთა კოლეგიის გადაწყვეტილებით, საქმე განსახილველად უზენაესი სასამართლოს დიდ პალატას გადაეცა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთი საწვავის შოკის წინაშე დგას: ბენზინის ფასები ერთ წელიწადში 20%-ით გაიზარდა

„საშინელი და უპრეცედენტო რეკორდი“ - რუსეთის არმიის დანაკარგებმა უკრაინაში 1.4 მილიონს მიაღწია

პროკურატურამ არასრულწლოვანი შვილების მიმართ ჩადენილი ტრეფიკინგის ფაქტზე 3 პირს ბრალდება წარუდგინა

ლაიენი: სამხრეთ კავკასია მსოფლიოს უდიდესი გზაჯვარედინია, სტრატეგიული მნიშვნელობა ზრდას აგრძელებს და აზერბაიჯანს ცენტრალური როლი აქვს