2016-11-19 10:35:54, 798 ნახვა
საზოგადოება
შსს-ს წარმომადგენლებმა ლეიკემიით დაავადებული ბავშვებისთვის სისხლი გაიღეს
შინაგან საქმეთა სამინისტროს სტრატეგიული მილსადენების დაცვის დეპარტამენტის წარმომადგენლებმა, აქციის – „გაიღე სისხლი, გადაარჩინე სიცოცხლე“ ფარგლებში, ლეიკემიით დაავადებული ბავშვებისა და მოზარდებისთვის სისხლი გაიღეს.
შსს-ს ინფორმაციით, აქციაში დეპარტამენტის ქვემო ქართლის რეგიონალური სამმართველოს მთელი პირადი შემადგენლობა მონაწილეობდა.
შსს-ს სტრატეგიული მილსადენების დაცვის დეპარტამენტი აღნიშნულ აქციაში, ლეიკემიით დაავადებული ბავშვებისთვის საჭირო სისხლისა და სისხლის კომპონენტების დეფიციტის შემცირების მიზნით, რეგულარულად მონაწილეობს.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
