პარლამენტის თავმჯდომარეობის კანდიდატის ირაკლი კობახიძის განცხადებით, პოლიტიკური  სისტემის კონსოლიდაცია არის ის მიზანი, რომელიც მხოლოდ ერთი პარტიის ძალისხმევით ვერ მიიღწევა.

„ამ მიზნის მისაღწევად საჭიროა თითოეული ჩვენგანის, პარლამენტის თითოეული წევრის ძალისხმევა.  დიდი იმედი მაქვს, საქართველოს პარლამენტში წარმოდგენილი თითოეული პოლიტიკური პარტია, თითოეული დეპუტატი ამ სულისკვეთებით იმუშავებს მომდევნო 4 წლის განმავლობაში“,-განაცხადა ირაკლი კობახიძემ.

მანვე უპასუხა ირაკლი მეზურნიშვილის შეკითხვას, რომელიც „ნაციონალური მოძრაობის“  მიერ მმართველი ძალის წინააღმდეგ, პირველივე სხდომიდან ჯოჯოხეთის მოწყობის შესახებ განცხადებასა  და  დაბალანსებული პარლამენტის  შექმნის  მისეულ გზებს ეხებოდა.

„შემდეგი შეკითხვა, საუბარი იყო ჯოჯოხეთზე, რომელიც პირველი სხდომიდან უნდა ყოფილიყო მოწყობილი მმართველი ძალის წინააღმდეგ.  რაც ნაკლებად ახსენებენ „ ნაციონალური მოძრაობის“  წარმომადგენლები საკუთარ პარტიას ჯოჯოხეთის კონტექსტში,  მით უფრო ნაკლებად გაახსენდებათ საქართველოს მოქალაქეებს ის მძიმე წარსული, რომელიც ჩვენ გამოვიარეთ.

მე, როგორეც პარლამენტის თავმჯდომარე,  ამ თანამდებობაზე არჩევის შემთხვევაში, ვიქნები ვალდებული, პირნათლად შევასრულებ ამ ვალდებულებას, რომ თითოეულ დეპუტატს მივცე საპარლამენტო მუშაობაში მონაწილეობის სათანადო  შესაძლებლობა. მონდემებული ვარ,  მაქსიმალურად კონსტრუქციული თანამშრომლობა ვუზრუნველყო პარლამენტში წარმოდგენილ დეპუტატებს შორის“,-აღნიშნა  ირაკლი კობახიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან