პარლამენტის თავმჯდომარეობის კანდიდატი ირაკლი კობახიძე ამბობს, რომ სახელმწიფო გადატრიალების მცდელობასთან დაკავშირებით,  „ქართული ოცნების“ მხრიდან გაკეთებულ განცხადებებზე პასუხისმგებლობას იღებს. კობახიძის თქმით, ყველა განცხადება კონკრეტულ ფაქტებსა და ინფორმაციებს ეფუძნებოდა.

„რაც შეეხება შეკითხვას,  რომ წინასაარჩევნო საქმიანობისას, თითქოს მე ვამართლებდი ხელისუფლების ყველა ქმედებას, მათ შორის ძალადობას,   გთხოვდით, ასეთი ერთი ფაქტი მაინც დაასახელოთ.  არც ერთი ფაქტი არ ყოფილა, სადაც მე ასე გავაკეთე. ჩემი გამოსვლები ყოველთვის არგუმენტირებული იყო. ეფუძნებოდა კონკრეტულ ფაქტებს.

რაც შეეხება სახელმწიფო გადატრიალებაზე ჩვენს გამოსვლებს, მინდა ავიღო პასუხისმგებლობა ყველა იმ განცხადებაზე, რაც წინასაარჩევნო პერიოდში კეთდებოდა ამ მცდელობაზე.

ძალიან მიხარია, რომ „ნაციონალური მოძრაობის“ წარმომადგენლების დიდი ნაწილი ემიჯნება იმ გეგმას, რომლის ჩაშლაზე ასე დანანებით საუბრობს ყოფილი ლიდერი მიხეილ სააკაშვილი. გვქონდა ინფორმაცია და ამ ინფორმაციის წყაროებიც არაერთგზის დავაკონკრეტეთ. შესაბამისად,  სრული პასუხისმგებლობით შეგვიძლია იგივე გავიმეოროთ“,-განაცხადა ირაკლი კობახიძემ   მე-9 მოწვევის პარლამენტის  პირველ სხდომაზე დეპუტატების კითხვებზე საპასუხოდ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან