„არეულობას არ ველოდებით, არც ვურჩევდი ვინმეს, რომ არეულობა დაგეგმოს, ამას ფიზიკურად არ დავუშვებ“, - ამის შესახებ შინაგან საქმეთა მინისტრმა ვახტანგ გომელაურმა ჟურნალისტებს რამდენიმე დღის წინ, 21 მარტს „ნაციონალური მოძრაობის“ მიერ დაგეგმილ აქციასთან დაკავშირებით განუცხადა. 

გომელაურის თქმით, აქციაზე უსაფრთხოების ზომები დაცული იქნება. 

„უსაფრთხოების ზომები როგორც ყოველთვის რა თქმა უნდა დაცული იქნება, ეს „ნაციონალური მოძრაობის“ აქცია იქნება თუ სხვისი. არეულობას ჩვენ არ ველოდებით, არც ვურჩევდი ვინმეს, რომ არეულობა დაგეგმოს, ამას ფიზიკურად არ დავუშვებ. დაცული იქნება ყველანაირად როგორც აქამდე ხდებოდა, უსაფრთხოების ზომები, როგორც აქამდე წინა აქციის დროს მოხდა. მაშინ აანონსებდნენ, რომ რაღაც მოხდებოდა, თუმცა არაფერი არ მომხდარა. თუ იქნებიან წყნარად აქცია წყნარად ჩატარდება, თუ წყნარად არ იქნებიან, პოლიცია კანონის ფარგლებში მიიღებს შესაბამის ზომებს“, - განაცახდა გომელაურმა. 

ცნობისთვის, დღეს „ერთიანი ნაციონალური მოძრაობა“ მთავრობის გადადგომის მოთხოვნით საპროტესტო აქციას გამართავს. აქცია თბილისში, თავისუფლების მოედანზე გაიმართება. აქციის დაწყებამდე იქნება ორი დიდი შეკრება: ერთი ვარდების მოედანზე, ხოლო მეორე კოლმეურნეობის მოედანზე, საიდანაც თავისუფლების მოედნისკენ მსვლელობა მოეწყობა. აქცია 16:00 საათისთვის დაიწყება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისი პრაიდი: "ოცნებამ" სცადა, ქვიარ ადამიანები საზოგადოებრივი ცხოვრებიდან გავექრეთ

SJC: 17 მაისი საქართველოში „ოჯახის“ იდეის პოლიტიკური ინსტრუმენტალიზაციის სიმბოლური დღეა

ელენე ხოშტარია - ხალხის სიმრავლე და ვერც დრო, ვერ წაშლის 2013 წლის 17 მაისს ჩადენილ ბოროტებას

შიო მესამე - თუ ოჯახში ტრიალებს მძიმე ცოდვა, ისეთი როგორიც არის, მაგალითად, აბორტი, მაშინ ბედნიერებას ვერ ააშენებ, განწირულია ასეთი ოჯახი