ანგელა მერკელი გერმანიის კანცლერის თანამდებობაზე კენჭისყრას მეოთხე ვადით აპირებს, - ამის შესახებ ბუნდესტაგის საგარეო საქმეთა კომიტეტის თავმჯდომარემ ნორბერტ რეტგენმა CNN-თან ინტერვიუში განაცხადა.

მედიის ცნობით, ნორბერტ რეტგენი ქრისტიანულ-დემოკრატიული კავშირის წევრია, რომელსაც ანგელა მერკელი ხელმძღვანელობს.

“ის კანცლერის თანამდებობაზე კენჭს იყრის. ის მზად არის, საკუთარი წვლილი შეიტანოს საერთაშორისო ლიბერალური წესრიგის გაძლიერებაში. თუმცა მან ეს მარტო არ უნდა გააკეთოს”, - განაცხადა პოლიტიკოსმა.

მისივე განმარტებით, მერკელს დასავლეთის დახმარება სჭირდება.

ბოლო თვეების განმავლობაში მიგრაციული კრიზისისა და ქვეყანაში მომხდარი თავდასხმების გამო, ანგელა მერკელის რეიტინგი შემცირდა. სექტემბერში გერმანიის რეგიონულ არჩევნებში მერკელის პარტია ანტიიმიგრაციულმა პარტიამ დაამარცხა.

შეგახსენებთ, რომ ანგელა მერკელი გერმანიის კანცლერის თანამდებობას 2005 წლიდან იკავებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კიდევ ხუთმა რეგიონში დაიწყო მამაკაცების დაკავება იძულებითი გაწვევისთვის

ნატოს თვითმფრინავებმა კალინინგრადის მახლობლად ოპერაცია ჩაატარეს

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება