ზუგდიდის მუნიციპალიტეტის გამგეობაში უსახლკარო და მძიმე საცხოვრებელი პირობების მქონე პირთა საცხოვრებელი ფართით უზრუნველყოფის კომისია შეიქმნა.

გამგეობის ინფორმაციით, კომისია, რომლის თავმჯდომარეც ზუგდიდის მუნიციპალიტეტის გამგებელი ედიშერ თოლორაიაა, საკრებულოსა და არასამთავრობო ორგანიზაციების წარმომადგენლებისგან შედგება.

კომისიის პირველი სხდომა დღეს გაიმართა. კომისიის წევრებმა დღის წესრიგი მოიწონეს და პირველივე სხდომაზე დებულების შემუშავება მოხდა. ამასთან, სხდომაზე შეიქმნა ჯგუფები, რომლებიც ბენეფიციარების კატეგორიების ჩამოყალიბებაზე იმუშავებენ და ჯგუფი, რომელიც შეაგროვებს წინადადებებს დებულების შესადგენად. კომისიის შექმნის იდეა ეკუთვნის მუნიციპალიტეტის გამგეობას არსებული საჭიროების გათვალისწინებით.

გამგეობის სოციალური განყოფილების მონაცემთა ბაზაში არსებულმა ინფორმაციამ უსახლკარო და მძიმე სოციალური საცხოვრისი პირობების მქონე პირთა საცხოვრებელი პირობების გაუმჯობესების მიზნით, გადაწყვიტა ასეთ ბენეფიციარებს სახლი აუშენოს.

როგორც ზუგდიდის გამგეობაში აცხადებენ, საპილოტე პროექტები, რომელზეც შემდგომ კონკურსი გამოცხადდება, უკვე მომზადებულია.

„მუნიციპალიტეტის მიერ აშენებული საცხოვრებელი სახლი იქნება კომფორტული და დაცული იქნება ჰიგიენის ყველა კრიტერიუმი, რაც ითვალისწინებს სველი წერტილების მოწყობას“, - აცხადებენ ზუგდიდის მუნიციპალიტეტის გამგეობაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსების მიერ რუსთაველის თეატრში დადგმულ სპექტაკლს კრიტიკა მოჰყვა, რეჟიმის კულტურის სამინისტრო თავს იმართლებს

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან