ტრამპმა Twitter-ში უკვე მიუთითა, რომ „აშშ-ის არჩეული პრეზიდენტია“

2016-11-09 16:30:02, 2187 ნახვა

მსოფლიო

"რესპუბლიკელმა" კანდიდატმა დონალდ ტრამპმა სოციალურ ქსელ Twitter-ში საკუთარ თავზე ინფორმაცია განაახლა და მიუთითა, რომ "აშშ-ის არჩეული პრეზიდენტია".

ამასთან, აშშ-ის პრეზიდენტობის კანდიდატმა სოციალურ ქსელში წინასწარი შედეგების გამოქვეყნების შემდეგ პირველი პოსტი გამოაქვეყნა.

როგორც ტრამპი წერს, ქვეყანაში ისეთი ერთობა იქნება, რომელიც აქამდე არასდროს ყოფილა.

„მშვენიერი და მნიშვნელოვანია საღამოა. მივიწყებული მამაკაცი და ქალბატონი, აღარასდროს იქნბიან მივიწყებულნი. ჩვენ ისეთი ერთობა გვექნება, როგორც არასდროს გვქონია“, - წერს ტრამპი.

შეგახსენებთ, რომ ბოლო მონაცემებით, რესპუბლიკელმა კანდიდატმა დონალდ ტრამპმა უკვე ამომრჩეველთა კოლეგიის 290 ხმა დააგროვა, ჰილარი კლინტონს კი 218 ხმა აქვს. ცნობისთვის, გამარჯვებისთვის საჭირო იყო 270 ხმის მიღება

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან