მიხეილ სააკაშვილმა ოდესის გუბერნატორის თანამდებობა დატოვა

2016-11-07 14:39:51, 2309 ნახვა

მსოფლიო

საქართველოს ყოფილი პრეზიდენტი, ოდესის ოლქის გუბერნატორი მიხეილ სააკაშვილი თანამდებობიდან გადადგა.

ამის შესახებ მან რამდენიმე წუთის წინ გამართულ პრესკონფერენციაზე განაცხადა.

"გადავწყვიტე თანამდებობდა დავტოვო და დავიწყო ბრძოლის ახალი ეტაპი. ხელებს არ ჩამოვუშვებ, მე არ დავღლილვარ. მე ის ჯარისკაცი ვარ, რომელიც იქამდე მიდის, სანამ შეუძლია. მერე იქამდე, სადამდეც საჭიროა. რამდენიც სჭირდება საბოლოო გამარჯვებამდე. ვიბრძოლებ, რომ გავათავისუფლო უკრაინა ამ საზიზღრობებისგან და ამ კორუფციული ჭუჭყისგან, რომელმაც უღალატა უკრაინის რევოლუციურ იდეას. რომლისთვისაც არსებობის მთავარი მიზანი ჯიბეების გასქელებაა. ბრძოლა გრძელდება ოდესის ხალხისთვის და მთელი უკრაინისთვის“, - განაცხადა მიხეილ სააკაშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან