„ბატონი ლევანის გადაწყვეტილება ჩემთვის მისაღებია,  ჩემი პოზიცია მინისტრის პოზიციას ემთხვევა“, - ასე გამოეხმაურა საქართველოს პარლამენტის თავდაცვისა და უშიშროების კომიტეტის თავმჯდომარე ირაკლი სესიაშვილი თავდაცვის მინისტრის გადაწყვეტილებას უწყებაში წვევამდელების სისტემის აღდგენასთან დაკავშირებით.

როგორც სესიაშვილმა აღნიშნა, სამხედრო სარეზერვო სამსახურთან წვევამდელების ერთგავრი შეთავსება  მნიშვნელოვანი იქნება.

„წვევამდელებთან მიმართებაში ჩემი პოზიცია იცით.  აქამდე,  როცა თავის დროზე ქალბატონმა  თინა ხიდაშელმა თავისი ბრძანებით შეწყვიტა სავალდებულო სამსახურებში მიღება, მე მაშინ ჩემი კრიტიკული პოზიცია დავაფიქსირე იმ ნაწილში, რომ ამაზე საჭირო იყო ფართო მსჯელობა. ბატონი ლევანის გადაწყვეტილება ჩემთვის მისაღებია.  ჩემი პოზიცია ემთხვევა მინისტრის პოზიციას, თუმცა აქვე მინდა ვთქვა, რომ აუცილებელია ჩვენ საერთო კომპლექსური სურათი დავინახოთ. იმიტომ რომ წვევამდელები მსახურობენ არა მხოლოდ შეიარაღებულ ძალებში, არამედ სხვა უწყებებშიც. ჩემი აზრით მათი ერთგვარი  შეთავსება სარეზერვო სამხედრო  სამსახურთან იქნება ძალიან მნიშვნელოვანი, იმიტომ რომ ნებისმიერი ჯარისკაცი ეს არის სამხედრო რეზერვისტი და მათი მომზადება უნდა იყოს ადეკვატური და თავსებადი“,-განაცხადა ირაკლი სესიაშვილმა და დასძინა, რომ ბევრ საკითხში თავდაცვის მინისტრის პოზიციას იზიარებს.

„ძალიან ბევრ საკითხში აბსოლუტურად ვიზიარებ მის პოზიციებს, რაც  მინისტრმა წარმოადგინა. თავისთავად ცხადია ჩვენი კომიტეტი ღირსეულად განიხილავს და გაანალიზებს საკითხს. სულ რამდენიმე წუთის წინ მინისტრთან მქონდა საუბარი, უკვე დავგეგმეთ, რომ თავდაცვის და უშიშროების კომიტეტის ფარგლებში რამდენიმე მოსმენის ჩავატრებთ, მათ შორის დახურულიც“,-აღნიშნა სესიაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თაზო დათუნაშვილი რეჟიმის ინიციატივაზე აკონტროლოს ხალხი - ვინც მათ არ ეთანხმება, ყველას დეჰუმანიზაცია და დემონიზება ხდება პროპაგანდის ყველა საშუალებით

მიქელაძე - ავტორიტარული სისტემები სწორედ ასე აფართოებენ ძალაუფლებას, ჯერ ქმნიან ბუნდოვან და ფართო კატეგორიებს, შემდეგ კი მათზე ზედამხედველობის, მონიტორინგისა და დასჯის აპარატს აშენებენ

ონიანი - დაანონსებული მექანიზმი ცენზურის მექანიზმად გვევლინება და მას არაფერი აქვს საერთო დემოკრატიულ საზოგადოებაში ინტერესთა ბალანსთან

ოთხშაბათს და პარასკევს ივანიშვილის რეზიდენციასთან მოვაწყობთ ერთკაციან აქციებს - მშობლები